La favola de’ tre gobbi, libretto, Milano, Malatesta, 1750

 MADAMA
 Ola, ola fermeve,
 cossa diavolo feu;
430dixé, cossa gh'aveu?
 Se ve dixé più robba,
 la stizza ve farà crescer la gobba.
 PARPAGNACCO
 Veneziana gentil, chi siete voi?
 CONTE
 Cercate voi di me?
 MADAMA
435Domando tutti do. Son vegnua qua
 per parte de madama, mia parona,
 a farve riverenza,
 e a dirve do parole in confidenza.
 PARPAGNACCO
 Dite; dite.
 CONTE
                      Parlate.
 PARPAGNACCO
440V'ascolto con diletto.
 CONTE
 Mi balza il cor per l'allegria nel petto.
 MADAMA
 La sa che tutti do sé innamorai
 per ela spasemai.
 Anca ela la dixe
445che sé le so raixe,
 la ve vuol tutti do per so morosi.
 Ma ghe despiase affé che sié zelosi.
 Savé che zelusia
 dal mondo xe bandia,
450no la se usa più. Nualtre donne
 savé che la volemo a nostro modo.
 Chi ne sa segondar
 qualcossa pol sperar.
 Ma chi troppo pretende e xe ustinà
455lo mandemo ben ben de là da Stra.
 Donca penseghe ben,
 o amarla in compagnia, se la ve preme,
 o andarve a far squartar tutti do insieme.
 PARPAGNACCO
 (Il dilema va stretto).
 CONTE
460(Non v'è la via di mezzo).
 PARPAGNACCO
 (O star cheto o lasciarla).
 CONTE
 (O soffrire un compagno o non amarla).
 MADAMA
 (Son due pazzi a consiglio).
 PARPAGNACCO
 (Che faccio?)
 CONTE
                            (A che m'appiglio?)
 PARPAGNACCO
465Conte.
 CONTE
                Marchese.
 PARPAGNACCO
                                     Che facciamo noi?
 CONTE
 Cosa pensate voi?
 PARPAGNACCO
 Penso che si può amare in compagnia.
 CONTE
 Penso al diavol mandar la gelosia.
 MADAMA
 (Eccoli già cangiati.
470Affé ci son cascati).
 PARPAGNACCO
 Andate da madama.
 CONTE
 E ditele in mio nome...
 PARPAGNACCO
 Che d'amarla con altri io mi contento.
 CONTE
 Pur che non lasci me, n'ami anche cento.
 MADAMA
475Bravi, così me piaxe,
 star da boni compagni. Za la donna
 gh'ha el cuor come i meloni;
 una fetta per un contenta tutti.
 Cari i mi cari putti.
480Chi crede d'esser solo se ne mente,
 che le donne d'un sol no xe contente.
 PARPAGNACCO
 Dunque andiam da madama.
 MADAMA
 No no, aspettatela qua,
 che za la vegnirà. Lassé che vaga
485mi dalla mia parona
 a portarghe sta niova così bona.
 
    Scieu tanto benedetti
 o cari sti gobetti.
 Staremo allegramente
490in pase tra de nu;
 
    caro quel muso.
 Caro colù!
 
    Via che la vaga
 de chi è sti mondi,
495tutti i xe nostri,
 tutto è per nu.
 
    Caro quel gobbo,
 caro colù!
 
    Mi za son donna Betta
500che gh'ha la lengua schietta.
 Se vu saré zelosi,
 redicoli saré.
 
    E chi è zeloso...
 Za m'intendé... (Parte)