Lo frate ’nnamorato, libretto, Napoli, De Bejase, 1734

 SCENA V
 
 Ascanio
 
 ASCANIO
 A ddò vao? dove stongo?
 che rresorvo? che ffaccio? Ah! ca mme sento
 de chell'affritte into a le rrecchie ancora
 le buce, e lo lamiento: e cchisto affanno,
1390e cchillo, che mme dà la passeone,
 provà mme fanno agnora
 de la morte li spaseme, e le ppene.
 Addo vao? dove stongo?
 che rresorvo, che ffaccio, affritto mene!
 
1395   Chi dà pace, chi dà carma
 a cchest'arma?
 Sento dire: no nc'è ppace,
 no nc'è ccarma cchiù ppe tte.