Lo frate ’nnamorato, libretto, Napoli, De Bejase, 1734

 SCENA VII
 
 Marcaniello da la casa co uno, che l’appoja, e cco n’auto, che pporta na seggia
 
 MARCANIELLO
 Portate cca sta seggia,
1415ca voglio stare cca: co lo sta ncoppa,
 m'abbenceno li frate.
 LUGGREZIA
                                          (O Dio! lo gnore!)
 MARCANIELLO
 E tu lloco che ffaje co sso mercante?
 Comme...
 LUGGREZIA
                     Io stea cca...
 MARCANIELLO
                                             Forfante...
 Accossì tu me ntienne? Saglie ncoppa.
 LUGGREZIA
1420Sentite...
 MARCANIELLO
                    Saglie ncoppa t'aggio ditto.
 LUGGREZIA
 O morte!
 MARCANIELLO
                    Ah! sto accossì, tu aje raggione:
 ca, si no, te vorria...
 LUGGREZIA
                                      Ora fuje meglio
 pe na vota arrossire,
 che cciento mpalledire. Non accorre,
1425gnore, che strepetate;
 mme potite scannare,
 ch'Ascanio da sto core non levate.
 
    Ch'io mm'aggia da scordare
 de chillo bello fato,
1430no lo sperate, no.
 Ammore accossì bo;
 e cchisto core mio
 o Dio! non sa che ffa.
 
    E pprimma de lassare
1435chi è la ggioja mia,
 io mme contentarria
 la morte sopportà.