Lo frate ’nnamorato, libretto, Napoli, De Bejase, 1734

 SCENA XIII
 
 Don Pietro, Marcaniello e Cardella
 
 DON PIETRO
 Ha cacciato gran spirito!
 CARDELLA
                                               Ha raggione;
 nc'ierevo vuje, si no...
 MARCANIELLO
                                          Via via tu n'autra,
 ca si na mpertenente;
1575non se sa che nne vuoje da chella llà.
 DON PIETRO
 Ll'hai presa a ttoreà. Non vi, ca quella
 è una figlia innocente?
 MARCANIELLO
 Si pproprio na mmardetta;
 e lo pparlà co ttico se nce perde.
 DON PIETRO
1580Sei na diavoletta.
 MARCANIELLO
 Staje pe mmettere fuoco all'erva verde.
 CARDELLA
 
    Perché mme strellate?
 Perché ve nfadate
 co mmico accossì?
1585Songo io mpertenente,
 chella è la nnozente!
 Va buono gnorsì.
 Avite raggione,
 besogna ngottà. (Se mette a cchiagnere )
 
1590   Vi addò maje s'è bista
 de chella cchiù ttrista!
 E ddiceno pone...
 Uh uh mme vorria
 ncoscienzia mia
1595mo tutta pesà.