Il mondo alla roversa o sia Le donne che comandano, libretto, Monaco, Vötter, 1758

	Senza la figlia mesto,
1490	senza la sposa resto.
	Che bella carità!

	LENA

	Quando di star vi preme
	con una sposa insieme,
	ecco per voi son qua.

	TRITEMIO

1495	Per far dispetto a lei,
	per disperar colei,
	Lena mi sposerà.

	TUTTI

	Sia per diletto,
	sia per dispetto,
1500	amore al core
	piacer darà.


	Fine del dramma



	LO FRATE ’NNAMMORATO


	Commeddeja pe mmuseca de Jennarantonio Federico napolitano. Da rappresentarese a lo Triato de li Sciorentine l’autunno de chist’anno 1732.
	Addedecata a lo llostrissimo e accellentissimo segnor don Luise Sanseverino prencepe de Besegnano eccetera cavaliero de lo Tosone d’oro, primmo barone e Gran Justenziero perpetuo de lo Regno de Napole, e Grande de Spagna de primma classe eccetera.
	Napole, a spese de Nicola De Biase, e dda lo stisso se venneno sotta a la Posta.


	Llustrissimo, e accellentissemo segnore.
	Se io mme volesse mettere a ddì le llaude, le ggrannizze, e le ggrolie voste, sarria tenuto pe no pazzo senza jodizeo: accossì, perché se trovano già sprubbecate pe ttutto l’aneverzo munno, e stanno reggestrate, e scritte a mmegliara e mmegliara de libre; e mperzò sarria n’agghiognere luce a lo Sole, e acqua a lo maro comm’ancora, perché io, che so no gnorante, avarria ardire de mme mettere a na mpresa, pe la quale desogniarriano uommene valiente, e dda zzò. Mme sto zitto addonca, e non faccio mutto de niente; e schitto penzo a gghiettareme de facce nterra, nzentì nommena sulo lo nomme grolejuso de vostra accellenza; e nne lo stisso tiempo, co ttutto lo respetto possibbole, e mmacenabbele, ve vengo a presentà sta commeddeja, che s’ha da rappresentare a lo Triato de li Sciorentine, de lo quale io nne tengo l’affitto. Segnore accellentissemo, da na parte mme faccio no pizzeco: pocca ve faccio no rajalo, che non è cosa degna de lo mmiereto nzuperabbele vuosto; ma da n’autra parte piglio spireto, mpenzanno, ca li perzunagge de ciappa no sdegnano d’azzettare de buon anemo quarsevoglia cosa, pe piccola che ssia, contentannose schitto de la bona volontà. Spero mperzò, che bolarrite ausà sta ggentelezza co mmico: a onoranno a mme, e a sta Commeddeja, co ppegliarenne la protezzeone dell’uno e ddell’autra: ca tutte duje nn’avimmo abbesuogno, e dde cchiù dareme la contentezza de venì spisso a lo Triato a spassareve lo tiempo; mente vasannove li piede, mme dechiaro per ssempre de vostra accellenza umelissemo, devotissemo e obbrecatissemo servetore.

	Dommineco De Nicola


	PERZONAGGE

	MARCANIELLO viecchio, patre de Luggrezia e dde Don Pietro
	(lo signore Jacovo D’Ambrosio)
	NENA e NINA sore carnale, romane: nnammorate tutte doje d’Ascanio.
	(la signora Marianna Ferrante e la signora Teresa De Palma)
	ASCANIO giovene nnammorato de tutte doje, che ppo se trova frate lloro co lo nomme de Lucio: cresciuto a la casa de Marcaniello.
	(la signora Teresa Passaglione)
	LUGGREZIA figlia de Marcaniello, nnammorata d’Ascanio.
	(la signora Rosa Gerardini)
	CARLO zio de Nena e dde Nina, romano: nnammorato de Luggrezia
	(lo signore Giammattista Ciriaci)
	VANNELLA crejata de Carlo
	(la signora Margarita Pozzi)
	CARDELLA crejata de Marcaniello
	(la signora Maria Morante)
	DON PIETRO giovene schirchio, figlio de Marcaniello
	(lo signore Gerolamo Piano, vertovuso de la Cappella Rejale de Napole)

	La scena de la commeddeja è Capo de Monte.
	La museca è de lo segnore Giammattista Pergolese, masto de cappella napolitano.
	Lo mmentore e derettore de l’abballe è lo segnore Dommineco d’Addati chiamato Minelli.


	ATTO PRIMMO

	SCENA PRIMMA

	Vannella scopanno nnante a lo portone de la casa soja e Cardella coglienno sciure da le tteste ncoppa a lo barcone de la casa soja

	VANNELLA

	Passa Ninno da cca rrente,
	e mme fa lo zinnariello.
	Forfantone, malezejuso,
	tu co mmico vuoje pazzeà.

	CARDELLA

5	Io, pe ddare le martiello,
	no mme voto a ttenì mente.
	Forfantone, malezejuso,
	io te voglio fa caneà.

	Che te pare? vao bona?
	VANNELLA
10	Che? tu puro la saje sta canzona?
	CARDELLA
	Io puro; e mm’allecordo che na vota
	io la deceva, e nce abbuscaje da zia.
	VANNELLA
	Perché?
	CARDELLA
	Ca sta canzona
	mpara de fa l’ammore.
	VANNELLA
	Arrasso sia!
15	Affé no lo ssapea. Da mo nne nante
	no la derraggio cchiù.
	CARDELLA
	(Vedite cosa!
	Si manco fa l’ammore non sapesse).
	VANNELLA
	Comme dice Cardella?
	CARDELLA
	Niente, niente, Vannella. Accossì ppriesto
20	te miette a ttravaglià?
	VANNELLA
	Scopo cca nnante.
	CARDELLA?
	Sì: perché abbesognante
	mo de sta mpolezìa.
	VANNELLA