Il mondo alla roversa o sia Le donne che comandano, libretto, Monaco, Vötter, 1758

 Vuoie dì?
 CARDELLA
                     Venne ll’autr’iere già lo figlio
 de lo segnore...
 VANNELLA
                              Ll’aggio ntiso dicere.
25E mme?
 CARDELLA
                   Mo se farranno
 sti matremmonie.
 VANNELLA
                                    (E llesto).
 CARDELLA
                                                        Stanno allegre
 mo ste romane, le ppatrune toje?
 VANNELLA
 Starranno allegre; e la patrona toja?
 CARDELLA
 Te lo ppuoje smacenare.
30Vì, ca se tratta de se mmaretare.
 VANNELLA
 Ora io, si è pe mme, non saparria
 sso mmaretà che d’è! T’aje da vedere
 sempre n’ommo vecino.
 CARDELLA
                                               E cche te mozzeca?
 VANNELLA
 Leva le, che bregogna! Io morarria.
 CARDELLA
35Uh poverella (e ccridela) conforma
 dicemo tu, non te mmaretarraje.
 VANNELLA
 Io mmaretà? Sciù sciù! (che ffosse craje).
 CARDELLA
 Donca tu mo n’aje nullo nnammorato.
 VANNELLA
 Che? nnammorato? Guarda, satt’arrasso.
40Nn’aggio quarcuno).
 CARDELLA
                                        Aje visto Sautanasso?
 Io nn’aggio ciento.
 VANNELLA
                                     Ora parlammo d’autro.
 Ha ditto lo segnore
 ca chisto, ch’è benuto,
 è n’ommo tanto alliegro!
 CARDELLA
                                               È miezzo lammia.